Dámhscoil Mhúscraí Uí Fhloinn

Screen Shot 2017-09-04 at 12.32.18

An Cuireadh

A fhilí na Dáimhe níl bhur gclú le sárú

Mo chairde, bhur gcairde clann cairdiúil dlúth

Glacaigí lem’ chuireadh seolta go fáilteach

Is tagaigí ‘n bhur sluaite le h-úire bhur smaointe

Breacaithe i bhfoirm bhéarsaí mar is dual don bhféile

Bídís aerach, gairid nó fada ar do rogha mhéadar

Déanaigí moladh agus spórt ar gach ábhar ach aoir

Beannacht Dé leis na filí d’fhág sinn go tréith

I bhflaitheas na ngrást táid ‘nár n-aice fós

Go gnóthach ár bhféile a choimeád ar an bhfód

 

Is fada an lá é chíncís 1925

Filí Dáimh Scoil Mhúscraí ag saothrú gan dua

Ag ceiliúradh gach bliain ndiaidh a chéile

Tair chughainn i mbliana fáilteofar tú gan iarracht

Ach gheóbhair bualadh bos éachtach má bhíonn agat dán

Geallaim díbh sult is oíche caithréimigh

Mar a chleachtaí in Éirínn i laethe na sean

Tá mo chroí ag preabarnaigh ag súil le bhur ndréachtaí

Beidh oíche go maidin againn a bheidh fileata léannta

Nócha bliain caite ag ceiliúradh an traidisiún gaelach is arsa in Éirinn

Betsy Ní Shuibhne, Uachtarán

____________

An Cheist
Trumpa balbh néata a luaigh an fhile ina dhán

I dteanga nach dtuigfeadh éinne ag giolcáil dúinn bharnáil

Bagairtí ar gach taobh ag cur i gcontúirt ár slándáil

An dtabharfá slán sinn a Mhic Dé ó Oráisteach an Tí Bháin?

 

Tá ceannaire místuama a thabharfadh do an dúshlán

Ar cheann arm mhillteach i dtírín mídhaonna thall san Áis

Gach rud ullamh don chogaíocht ghéar, idir sliogáin is diuracháin

A Uain Dé, le dóchas a éilím an dtabharfá dúinn síocháin?

 

Tá an oighear ag leá leis is gan aon stop d’ár bhfagáil

Aer te san atmasféar ag téamh an domhain beagán ar bheagán

Báisteach tréan is tóirneach géar is díle ar Inis Fáil

A Aoire shéimh, bhfuil aon baol go dtiocfaidh tú dár tarrtháil?

 

Claíomh le faobhar ina bhagairt scéin d’fhuil ár muineáil

Is buamaí daonna go pléascach tréan i veán bán á dtiomáint

Ag trodaí Dé faoi threoir a chléir i mbun sléacht ar Chrosáid

A Mhaighdean Mhátháir, ar son Dé, an ndeinfeá sinn a shábháil?

 

An Cheangal

 

Is fearr droch rith ná seasamh séimh ar bhruach an dhuibheagáin

Is fearr ól go doimhin is tú ag fánacht tréan ar lá an áir

Is fearr Dia a thréigean na cloí go bréagach le miotas na seana bhfáidh

Cothromas is cóir a éileamh is, ar son Cé, ná bac leis an mbéal bán!

Concubhar Ó Liatháin, An Chléireach

_______________

Beidh an Dámhscoil á thionól in Ostán Ghobnatan, Baile Mhúirne, ar an Satharn, 21ú Deireadh Fómhair, 2017. Cuirfear tús leis an dtionól ag 7 i.n.

Ar a 2in an lá céanna agus san ionad céanna, beidh ceardlann filíochta le Seamus Barra Ó Suilleabháin, file óg a bhfuil leabhar leis dar teideal Beatha Dhónail Dhuibh foilsithe agus ard chlú air.   Tá an cheardlann seo dírithe ar dhaoine óga go háirithe nó tá clú ar Shéamus Barra as ucht a chuid rapaireachta.

Cuir teachtaireacht chuig An Cléireach má tá suim agat bheith páirteach sa cheardlann.

________________

Eolas Breise:

Betsy Ní Shuibhne, Uachtarán – 026 45039

Maighréad Uí Lionáird, Leas-Uachtarán – 026 45021

Concubhar Ó Liatháin, Cléireach – 026 45083 / 00 353 85 163 2772 / 0044 771 847 7081 / concubhar.oliathain@gmail.com

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s